Sérkennsla

Leikskólinn Álfheimar starfar samkvæmt lögum og aðalnámskrá leikskóla frá 2011 að sérkennslu.

Stoðþjónustan í Álfheimum á að einkennast af lausnarleit kennara, foreldra og sérfræðinga. Stuðla skal að því að hvert barn fái notið sín og að leikskólakennarar séu leiðandi samverkamenn barna, foreldra og annara starfsmanna leikskólans.

Í leiðarljósum um leikskóla kemur fram að starfsfólk leikskóla skuli grípa inni ef þurfa þykir til. Öll börn eiga að njóta bernsku sinnar sem best er á kosið, miðað við þroska og þarfir hvers og eins.

Sérkennslustjóri sér um að skipuleggja sérkennsluna eftir þörfum hvers einstaklings. Gerðar eru einstaklingsnámskrár með öllum börnum sem eru í sérkennslu. Einnig fer fram skráning í dagbók eftir hvern tíma þar sem kemur fram hvað var gert í tímanum og hvernig það hafi gengið. Börnin fá bæði kennslu inn í sérkennsluherbergi og inni á deildum eftir þörfum.

Sérkennslustjóri sér um að boða teymisfundi þar sem foreldrar mæta ásamt teyminu sem er í kringum viðkomandi barn og skrifar fundagerð sem er send til allra sem málið varðar. Sérkennslustjóri er í daglegum samskiptum við deildarstjóra og leikskólastjóra leikskólans til að byggja upp traust net um börnin innan leikskólans.

Starfslýsing sérkennslustjóra

Sérkennslustjóri Árbæjar vinnur skv. verklýsingu sérkennslustjóra.
NÆSTI YFIRMAÐUR: Leikskólastjóri.
STARFSSVIÐ: Starfar samkvæmt lögum og reglugerð um leikskóla, lögum um málefni
fatlaðra, öðrum lögum er við eiga, aðalnámskrá leikskóla og stefnu viðkomandi sveitarfélags.
MEGIN VERKEFNI:
Stjórnun og skipulagning:

Ber ábyrgð á og stjórnar skipulagningu, framkvæmd og endurmati sérkennslunnar í
leikskólanum ásamt leikskólastjóra.
Er faglegur umsjónarmaður sérkennslu í leikskólum, annast frumgreiningu og ráðgjöf til
annarra starfsmanna leikskóla
Ber ábyrgð á miðlun upplýsinga milli sérkennsluráðgjafa/sérkennslufulltrúa leikskóla og
starfsmanna leikskólans.
Hefur umsjón með uppeldis- og námsgögnum leikskólans sem tengjast sérkennslu.

Uppeldi og menntun:

Ber ábyrgð á að börnum sem njóta sérkennslu í leikskólanum sé boðið upp á
þroskavænleg verkefni.
Hefur yfirumsjón með gerð verkefna og ber ábyrgð á gerð einstaklingsnámskráa fyrir börn sem njóta sérkennslu.
Hefur yfirumsjón með að áherslum um kennslu annarra sérfræðinga sé framfylgt í leikskólanum og að skýrslur séu gerðar.

Foreldrasamvinna:

Vinnur í nánu samstarfi við foreldra/forráðamenn barna sem njóta sérkennslu í leikskólanum og situr fundi og viðtöl með þeim.
Veitir foreldrum/forráðamönnum barna sem njóta sérkennslu stuðning, fræðslu og ráðgjöf.
Situr foreldrafundi sem haldnir eru á vegum leikskólans.

ANNAÐ:

Ber að hafa náið samstarf við sérkennsluráðgjafa og aðra sérfræðinga sem tengjast leikskólanum vegna barna sem njóta sérkennslu.
Situr fundi þar sem fjallað er um málefni barna sem þurfa sérfræðiaðstoð eða sérkennslu í leikskólum samkvæmt boðun yfirmanns eða hlutaðeigandi aðila.
Situr starfsmannafundi og aðra fundi er yfirmaður segir til um og varða starfsemi leikskólans.
Sinnir þeim verkefnum er varða sérkennslu sem yfirmaður felur honum.

Skólaþjónusta Árborgar

Ráðhúsinu, Austurvegi 2 | 800 Selfoss
mánudaga - föstudaga kl. 9:00 - 16:00
480 1900
skolathjonusta@arborg.is

Skólaþjónusta Árborgar er sérfræðiþjónustu við leik- og grunnskóla í sveitarfélaginu. Leiðarljós skólaþjónustunnar er að þjóna fjölbreyttum þörfum barna, foreldra og starfsfólks. Þjónustan fer að mestu fram í skólunum en starfsfólkið hefur skrifstofu- og fundaraðstöðu í Ráðhúsi Árborgar. Mikil áhersla er lögð á samstarf ýmissa ráðgjafa og fagaðila sem koma að þjónustu við börnin í Árborg.

Nánari upplýsingar um skólaþjónustuna