Leikskólagjöld verða felld niður v.skerðingar á vistun barna hjá leikskólum Árborgar vegna verkfalls FOSS
Félagar sem greiða til FOSS Félag opinberra starfsmanna á Suðurlandi sem starfa hjá leikskólum Árborgar hafa undanfarnar vikur verið í verkföllum.
Starfsemi leikskóla hefur verið skert þá daga sem verkfallið hefur staðið yfir sem hefur leitt af sér að ekki hefur verið hægt að bjóða öllum börnum uppá fulla vistun.
Ekki sér fyrir endan á verkföllunum og er áætlað að mánudaginn 5. júní fari allir félagsmenn FOSS sem starfa í leikskólum í verkfall til 5. júlí náist ekki samningar.
Til að koma til móts við foreldra í Árborg hefur verið ákveðið að fella niður gjöld vegna vistunar fyrir þann tíma sem foreldrar hafa fengið tilkynningu um að barnið geti ekki mætt.
Foreldrar fá jafnframt endurgreiðslu v.skerts vistunartíma í maí um næstu mánaðarmót.